Dehê Muheremê Hat

Dehê Muheremê Hat

 

Heyva ku av û evîn tê de mehzûn û xemgîn

Heyva reşgirêdanê heyva Şehîd Huseyîn

 

Rabin, xwe karbikin! Dîsa dema şîwanê hat.

Meha evîn û evîndara, dehê Muheremê hat.

 

Berî bide deryaya evînê û tu bake!

Dilê xwe ê bibirîn veke û destê xwe rake!

 

Rabin, xwe karbikin! Dîsa dema şîwanê hat.

Meha evîn û evîndara, dehê Muheremê hat.

 

Binêre û bibîne bê ka çi bû li Kerbela

Xak sor bûbû ji xwînê zarok dimir ji tîna

 

Rabin, xwe karbikin! Dîsa dema şîwanê hat.

Meha evîn û evîndara, dehê Muheremê hat.

 

Bigrî kesê gulavê balav dike li wê taxê!

Ji malbata Pêxember wa gul dikevin axê

 

Rabin, xwe karbikin! Dîsa dema şîwanê hat.

Meha evîn û evîndara, dehê Muheremê hat.

 

Babilîskek rabûbû tijî ji kul û keder

Pişta Elî dişikest laş û serî bû duger

 

Rabin, xwe karbikin! Dîsa dema şîwanê hat.

Meha evîn û evîndara, dehê Muheremê hat.

 

Ji bindestan re al e Huseyn şehîd û rêber

Nav û nişanek dihişt dîrokek bê ser û ber

 

Rabin, xwe karbikin! Dîsa dema şîwanê hat.

Meha evîn û evîndara, dehê Muheremê hat.

 

Piştî Huseyn Şehîd bû jiyan bi me ne xweşe

Li mêrxasan bû xela çima bextê me reşe

 

Rabin, xwe karbikin! Dîsa dema şîwanê hat.

Meha evîn û evîndara, dehê Muheremê hat.

 

Erd û ezman û insan xemgîn in dikin şîwan

Ewan rojên bi ronî li me bûn şevên giran

 

Rabin, xwe karbikin! Dîsa dema şîwanê hat.

Meha evîn û evîndara, dehê Muheremê hat.

 

Di vê mehê de her dem em Kerbelayê dijîn

Li meydanan huseynî tun in û zalim dijîn

 

Rabin, xwe karbikin! Dîsa dema şîwanê hat.

Meha evîn û evîndara, dehê Muheremê hat.

 

Divê huseynî her dem li ber zilmê biqîrin

Nîşan û ala dadê li dinyayê belav bikin

 

Rabin, xwe karbikin! Dîsa dema şîwanê hat.

Meha evîn û evîndara, dehê Muheremê hat.

 

Hêvîdarim ji Yezdan zalim dê bibne bindest

Li rûkala cihanê huseynî bibin serdest

 

Rabin, xwe karbikin! Dîsa dema şîwanê hat.

Meha evîn û evîndara, dehê Muheremê hat.

 

Hedbî bi ax û nalîn dibêje wa Huseynem

Dema tola te hilbê ezê serê xwe deynem

 

Rabin, xwe karbikin! Dîsa dema şîwanê hat.

Meha evîn û evîndara, dehê Muheremê hat.

 

{ M. Burhan Hedbi }